Советодавниот центар за земјоделство и рурален развој продолжува со своите активности во презентацијата на ИПАРД 3 програмата. Втората средба беше организирана со земјоделци од општина Новаци.
Во очекување на новиите повици од ИПАРД 3 програмата, на вториот советодавен настан се даде одовор на прашањата: која е целта на Мерка 1 од ИПАРД 3 програмата, кој може да биде корисник , приоритетни сектори, прифатливи проекти со кои може да се аплицира за оваа мерка.
За оваа мерка може да аплицираат и физички и правни лица и тоа во :
-сектор за растително производство,
-сектор за сточарство,
-сектор за рибарство,
-обработка и директен маркетинг на сопственото земјоделско производство на фарма,
-производство на енергија од обновливи извори за сопствена потрошувачка.
Како прифатлива инвестиција би биле сите оние што ќе значат развој на земјоделското стопанство од изградба и реконструкција на објекти па се до набавка на нови машини, опрема, паметни технологии. Исто така прифатливи ќе бидат и инвестиции за подобрување на благосотојба на животни во сточарството, заштита на животна средина и користење на енергија од обновливи извори.
Настанот беше организиран во соработка со фирмите – добавувачи на земјоделска механизација: Евро – Стил, Хемометал и Агровојводина.
СЦЗРР во насока на информирање и советување на земјоделците продолжува и понатаму со своите активности. Третата средба е резервирана за земјоделците од општина Битола на 22 февруари со почеток од 15 часот во салата на општинскиот Совет.
СЦЗРР
