Опис на производот
Кефирот е традиционален ферментиран млечен производ кој се добива со помош на кефирни зрна, богати со млечно-киселински бактерии и квасци.
Потребни суровини
- Свежо кравјо млеко
- Кефирни зрна (стартер култура)
Подготовка на млекото
Млекото се пастеризира и се лади до 20°C.
Ферментација
Во млекото се додаваат кефирни зрна во однос 1 дел зрна : 10–15 делови млеко.
Сместата се остава да ферментира 24 часа на температура од околу 22°C, додека млекото не се згусне.
Одвојување и нега на зрната
По ферментацијата, кефирните зрна се одвојуваат со пластична цедалка, се испираат со превриена и изладена вода и се проверуваат.
Здравите зрна повторно се користат за нова ферментација.
Дозревање
Процедениот кефир се полни во шишиња и дозрева во фрижидер 24–48 часа на 10–15°C, при што добива лесна пенливост и карактеристичен вкус.
Наш совет
Користете здрави и активни кефирни зрна. Редовно проверувајте ги и отстранувајте зрна со променета боја или слузеста структура.
Почитувајте го односот 1 дел кефирни зрна : 10–15 делови млеко за да обезбедите правилна ферментација и балансиран вкус.
Одржувајте температура од 20–22°C за време на ферментацијата.
– Под 20°C се создава повеќе алкохол и CO₂
– Над 22–24°C кефирот може да стане прекумерно кисел
По ферментацијата, задолжително исперете ги зрната со превриена и изладена вода за да ја зачувате нивната активност и да спречите контаминација.
Дозревањето во фрижидер (24–48 часа) ја подобрува структурата и создава природна пенливост.
За продажба „од праг“, обрнете внимание на:
- хигиенски услови
- ладен ланец на чување
- правилно декларирање на производот
Советодавна ви нуди стручна поддршка за подобрување на технологијата, стабилноста на производот и подготовка за легален пласман на пазарот.
