Сурутката, како нуспроизвод при производство на сирење, претставува вредна суровина богата со хранливи материи. Наместо да се отфрли, таа може да се искористи за производство на функционални напитоци и иновативни млечни производи со додадена вредност.
Преку правилна преработка, сурутката може да се трансформира во ароматизирани напитоци или сирни производи, што овозможува економска оправданост особено кај помалите производители.
Сурутката содржи околу 93% вода, но и значајни количини на:
- лактоза
- протеини (албумин и глобулин)
- минерали и витамини
Таа претставува лесно сварлив извор на хранливи материи и може да се користи како основа за нови производи
Производство на ароматизирана сурутка
Ароматизираните напитоци од сурутка се добиваат со додавање на:
- овошни ароми (јаболка, јагода, шумско овошје)
- природни додатоци
- витамини
Со ферментација се создаваат производи со:
- освежителен вкус
- природна газираност (CO₂)
- подобрена нутритивна вредност
Овие напитоци се современ тренд и се особено погодни за:
– спортисти
– лица со зголемени нутритивни потреби
– здрав начин на исхрана
Производство на сирни ролати
Сирните ролати се изработуваат од свежо сирење со пластична структура, погодно за обликување.
Потребни состојки
- Свежо сирење (добро исцедено)
- Зачини и додатоци по избор:
- меленa пиперка
- мелени ореви
- зачини и билки
- семки
- масло (пр. тиквино масло)
Технолошка постапка
- Свежото сирење се доцедува до добивање компактна структура
- Се додаваат избраните зачини и додатоци
- Се меша до хомогена маса
- Се обликуваат ролати, топчиња или други форми
- По желба се ставаат во зачини за декоративен и вкусен ефект
Можности за производи
Од свежо сирење може да се добијат:
- сирни ролати
- сирни топчиња
- ароматизирани намази
- традиционални сушени сирења
Ова овозможува широка палета на производи со различен вкус и изглед.
Чување
Производите се чуваат во фрижидер.
Рокот на траење зависи од:
- свежината на суровината
- додадените состојки
- хигиенските услови
Наш совет
- Искористете ја сурутката како вреден ресурс наместо отпад
- Додавањето природни ароми ја зголемува пазарната вредност
- Свежото сирење треба да биде добро исцедено за правилно обликување
- Производите со додадена вредност се особено погодни за продажба „од праг“
- Внимавајте на хигиена и правилно декларирање при пласман
Советодавна нуди стручна поддршка за развој на нови производи, подобрување на технологијата и зголемување на економската исплатливост на фармите.
