Мини млекарите претставуваат одлична можност за додадена вредност на сточарското производство. Со релативно мала инвестиција, производителите можат да преработуваат кравјо, овчјо и козјо млеко во сирење, јогурт и други млечни производи и да ги продаваат директно на потрошувачите – продажба од праг.
За да се обезбеди квалитетен и безбеден производ, неопходно е користење на соодветна опрема која ги задоволува хигиенските и технолошките стандарди.
Основна опрема за прием и чување на млеко
Процесот започнува со правилно складирање на млекото. За таа цел се користи:
- Лактофризер (разладен резервоар) за чување на млеко на 4°C
- Иноксни садови и канти за транспорт
- Филтри за млеко
- Пумпи за пренос на млеко
Опрема за термичка обработка
Оваа опрема обезбедува зачувување на квалитетот на суровината пред преработка.
За производство на безбедни млечни производи потребна е контрола на температурата:
- Сиренарски котел (дупликатор)
- Систем за загревање (електричен, гасен или воден)
- Мешалки и контрола на температура
Во овој дел се врши пастеризација и подготовка на млекото за сирење.
Опрема за производство на сирење
Главниот процес на преработка вклучува:
- Садови за сирење
- Харфи и алати за сечење на грушот
- Мешалки
- Додатоци (сирило, култури)
Оваа опрема овозможува добивање на различни типови сирење – свежо, бело, полутврдо и тврдо.
Опрема за цедење и формирање
По коагулацијата, сирењето се обликува:⁹
- Калапи за сирење
- Цедилки и газа
- Дренажни маси
- Полици за одцедување
Овој процес е клучен за текстурата и квалитетот на производот.
Опрема за пресување
За одредени видови сирење се користи:
- Рачна или пневматска преса
Пресувањето овозможува отстранување на вишокот сурутка и формирање на компактна структура.
Опрема за солење
Солењето е важен чекор за вкус и трајност за таа цел потребно е:
- Садови за саламура
- Површини за одцедување
Опрема за зреење (по потреба)
За производство на зрели сирења потребно е:
- Простории или комори за зреење
- Дрвени или инокс полици
- Контрола на температура и влажност
Ладење и складирање
За чување на готови производи:
- Фрижидери
- Ладилни витрини
- Складишни полици
Опрема за пакување и продажба
За директна продажба од праг:
- Вакуум машина
- Работни маси
- Амбалажа за пакување
Ова овозможува подобра презентација и подолг рок на траење.
Хигиена и санитарни услови
Хигиената е задолжителна:
- Инокс судопери
- Средства за дезинфекција
- Систем за топла вода
Контрола на квалитет
За следење на квалитетот:
- Термометар
- pH метар
- Ваги и мерни садови
Мини млекара со капацитет од околу 500 литри дневно може успешно да функционира со добро избрана опрема и организација на процесот. Со ваков пристап, производителите добиваат:
- поголема додадена вредност
- директен контакт со купувачите
- сигурен пласман преку продажба од праг
Наш совет
За мини млекара (до 500 л/ден) најважно е да обезбедите јасен технолошки тек од нечиста кон чиста зона, со добро одделени простории.
Користете инокс опрема која лесно се чисти и е прилагодена на вашиот капацитет.
Одржувајте строга хигиена, контрола на температура и pH, и применувајте HACCP принципи. Започнете со едноставни производи (бело сирење), па постепено проширувајте.
Добра организација + квалитетна опрема = сигурен и профитабилен пласман.
