Доколку сакате да дознаете нешто повеќе за „Буковската пипер“ тогаш посетете го настанот „Вкусот на Буково “ 2022. Четвртото издание на оваа манифестација се организира за сабота 8 октомври во с.Буково. Таму ќе имате можност да се запознаете со историјатот на овој производ, како се произведува, каде сè може да се употребува.
Според програмата предвидено е:
12:00 – Отворање со поздравен говор од Елизабета Каровска (Претседател на Президиум Буково) и Николче Николовски (Слоу Фуд Македонија)
12:15-12:30 – Отворање на саемскиот дел, претставување на излагачите и нивните производи;
12:30 -13:00 – Работилница за изработка на пипер ПРВ дел (нижење);
13:00-14:00 – Културно уметничка програма –
- Настап на КУД „Илинден“;
- Ликовна работилница со деца и изложба;
- Готвење на специјалитет со пиперки од турската кујна;
14:00-15:00 – Закуска со 7 типични јадења од буковска пиперка;
15:00-15:30 – Читање извадоци од историјата за селото и пиперта;
15:30 -16:00 – Работилница за изработка на пипер ВТОР дел (грушење, толчење и дегустација);
Дојдете и уживајте порачува организаторот.
Локација „Дом на култура“, Буково на 08.10.2019 од 12-16 ч.
„Буковската пипер“ е оригинален земјоделски производ кој се прави од автентична сорта на црвени пиперки кои се произведуваат во битолското село Буково.
Процесот додека се дојде до конечниот производ „буковска пипер“ е долг и воопшто не е лесен. Тоа го знаат самите производителки, бидејќи најчесто сите активности им се препуштени на жените.
„Буковската пипер“ е оригинален производ кој се прави по истиот рецепт и начин како што ја правеле мајките, бабите и прабабите на тој простор. Македонската кујна не може да се замисли без овој зачин. Производителите од Буково организирани во Президиум и под покровителство на светското движење „Слоу фуд“ се обидуваат да го сочуваат овој бренд кој не е ниту букувец, нити буковка, туку едноставно и оригинално „Буковска пипер“.
СЦЗРР
