Агенцијата за финансиска поддршка во земјоделството и руралниот развој објави Јавен повик бр. 02/2026 за доставување на барања за користење средства од Програмата за финансиска поддршка на руралниот развој за 2026 година.
Со овој повик се обезбедува финансиска поддршка преку Мерка 131 – Економско здружување на земјоделски стопанства, односно подмерка 131.1, наменета за поттикнување на здружување и подобро функционирање на земјоделските задруги.
Цел на мерката
Главната цел на мерката е да се стимулира економско здружување на земјоделските стопанства, со што се подобрува организацијата на производството, пласманот на земјоделските производи и конкурентноста на домашното земјоделство.
Преку оваа поддршка се овозможува развој на нови и постоечки земјоделски задруги, како и подобрување на нивното управување и административно функционирање.
Кој може да аплицира
Право на користење на средствата имаат:
- Земјоделски задруги регистрирани за вршење земјоделска дејност
- Задруги евидентирани во Министерството за земјоделство, шумарство и водостопанство
Прифатливи трошоци
Финансиската поддршка опфаќа повеќе категории трошоци поврзани со основање и функционирање на задругите.
1. Трошоци за воспоставување на земјоделска задруга
- Трошоци направени во период до 12 месеци од основањето на задругата.
2. Трошоци за функционирање на задругата
Поддршката може да се користи за:
- Бруто плата за едно вработено лице во земјоделската задруга
- Сметководствени услуги и ревизија
- Изработка и одржување на интернет страница
Висина на финансиската поддршка
Поддршката се доделува како неповратни средства, а висината зависи од типот на трошок:
- До 100% од прифатливите трошоци за воспоставување на задруга
- До 60% од трошоците за бруто плата за едно вработено лице
- До 100% од трошоците за сметководство, ревизија и изработка/одржување на веб страница
Начин на аплицирање
Барателите треба да поднесат целосно пополнето барање за исплата заедно со потребната документација.
Документите се доставуваат:
- во затворен коверт,
- со ознака „НЕ ОТВОРАЈ“ – Јавен повик бр. 02/2026,
- со наведена шифра на мерката 131.1.
Апликацијата може да се достави:
- по пошта или
- лично во архивата на Агенцијата.
Краен рок за аплицирање
Крајниот рок за доставување на барањата е:
10 април 2026 година
Контакт информации
За повеќе информации ТУКА, а за професионална подготовка на документацијата СОВЕТОДАВНА ви стои на располагање на:
Телефон: 072/251-263
Е-пошта: kontakt@sovetodavna.mk
