Министерството за земјоделство, шумарство и водостопанство објави Јавен повик за доделување техничка поддршка за организирање промотивни активности од областа на земјоделството и руралниот развој, со цел унапредување на локалното земјоделско производство, промоција на традиционалните производи и поттикнување на руралниот развој преку организирање локални манифестации и саеми. Активностите кои ќе бидат поддржани треба да се реализираат во периодот од 14 септември до 31 декември 2026 година.
Кој може да аплицира?
Право на користење на техничката поддршка имаат:
- здруженија од областа на земјоделството и руралниот развој;
- земјоделски задруги;
- единици на локалната самоуправа, за манифестациите утврдени во јавниот повик.
Здруженијата и земјоделските задруги треба да бидат регистрирани согласно законските прописи и да имаат најмалку 10 членови.
Финансиска поддршка
Министерството обезбедува 100% покривање на прифатливите трошоци, при што максималниот износ на техничката поддршка изнесува 150.000 денари по корисник. Исплатата се врши по успешна реализација на активностите и доставување извештај со комплетна финансиска документација.
Прифатливи трошоци
Со јавниот повик може да се финансираат трошоци поврзани со организацијата на манифестациите, како што се:
- закуп на простор;
- изнајмување штандови, бини и друга неопходна опрема;
- аудио и видео опрема, озвучување и осветлување;
- промоција преку печатени и електронски медиуми;
- изработка на промотивни материјали (банери, флаери, летоци, брошури, каталози, публикации, видео и аудио реклами).
Подготовка на проектниот предлог
За успешно аплицирање потребно е да се подготви комплетен проектен предлог кој содржи:
- опис на предложените активности;
- план за реализација;
- финансиски план со детална спецификација на трошоците;
- листа на изложувачи;
- потребната придружна документација, изјави и уверенија согласно условите на јавниот повик.
Предлозите ќе бидат оценувани врз основа на утврдени критериуми, меѓу кои бројот на членови, претходното искуство во реализација на слични активности, вклученоста на жени и млади, партнерствата и примената на иновативни и дигитални решенија. За да биде прифатен, проектот треба да освои повеќе од 50 бодови.
Рок за поднесување
Крајниот рок за доставување на проектните предлози е 21 август 2026 година.
Некомплетните и ненавремено доставените апликации нема да бидат предмет на понатамошно разгледување.
Професионална поддршка при аплицирање
Советодавна им нуди на сите заинтересирани здруженија, земјоделски задруги и единици на локалната самоуправа целосна професионална поддршка при подготовката и поднесувањето на проектната документација.
Нашиот стручен тим обезбедува:
- анализа на исполнетоста на условите за учество;
- подготовка на комплетен проектен предлог согласно барањата на јавниот повик;
- изработка на буџет и финансиски план;
- подготовка и проверка на целокупната придружна документација;
- консултации за исполнување на критериумите за бодирање;
- финална контрола и подготовка на апликацијата за навремено поднесување.
Со долгогодишно искуство во подготовка на проектни апликации и користење на национални и меѓународни програми за поддршка, Советодавна е сигурен партнер кој ќе ви помогне вашата апликација да биде подготвена професионално, комплетно и во согласност со сите барања од јавниот повик.
Доколку планирате да аплицирате, препорачуваме навремено да нè контактирате, со цел да обезбедиме доволно време за квалитетна подготовка на проектниот предлог и целокупната документација пред истекот на рокот.
Повеќе информации за повикот во делот “АКТИВНИ ОГЛАСИ”.
