Национална федерација на фармери соопшти дека се подготвува пилот програма за мајките земјоделки
Тие ќе можат да аплицираат за додаток за мајчинство кој ке трае 9 месеци.
– Посебно значајно за нас е што преку интензивната работа на НФФ поддржана од Шведската организација за развој „We Effect“, преку Министерството за земјоделство, шумарство и водостопансво, креирана е Програма за обезбедување на социјална сигурност за жените кои вршат земјоделска дејност. Преку оваа програма ќе им биде овозможено на регистрираните земјоделки користење на надоместок за мајчинство, за време на спреченост на вршење на земјоделската дејност поради раѓање. Ние како организација ќе продолжиме да работиме оваа мерка да биде дел од Закон за трајно решение и исто така, да се најде соодветно решение и за боледувањето на регистрираните земјоделци, нагласи Мојсовска.
Таа појасни дека НФФ во соработка со Министерството за земјоделство, шумарство и водостопанство, Министерството за труд и социјална политика и Министерство за здравство, формирала работна група што работела во текот на годината за изнаоѓање на соодветно решение.
– Во групата, исто така, активно учество зедоа преставници од трите министерства, УЈП, ПИОМ, Фондот за здравствено осигуравње, Агенцијата за финансиска поддршка во земјоделството и руралниот развој. Станува збор за проблем што постои 30 години во државата и од 2023 за првпат ќе се пилотира решение, со што земјоделки ќе добиваат надомест за мајчинство поради спреченост за извршување земјоделска дејност поради раѓање. Со една политика, програма се овозможува да се развива земјоделството како професија, ќе се влијае позитивно за зголемување на бројот на регистрирани земјоделки и земјоделци, чија основна дејност им е земјодеството и исто така, ќе се влијае и позитивно на зголемување на бројот на млади фармери и жени фармери сопственички на земјиште, додаде Мојсовска.
извор: Канал5
